Ntra miliuna ri cellule
comu na saitta
ti fai largu.
Un’esplosioni ri energia e…si viva
Un cori ca palpita,
ti trasformi.
Va’ scupriennu u to munnu nicu nicu,
e poi junci u jornu cchiu mpurtanti
Fuora!
Na stidda ti vasa a facciuzza
Ti pripari ppi scopriri u novu munnu
Scupriennu u to ego
Sintimienti ancora agri, cunfusi.
Alluonghi a manu aspittannu ca qualchidunu a pigghia pi accumpagnariti
Pero…ti lassa iri…sciddichi
Tuttu nsiemmula i cosi accumincianu a tramutarisi ntornu a tia, tuttu cancia.
Chianci e si scantata,
‘un capisci
e a to alma s’ammuccia.
Comu u vientu ca annagghia e puorta luntanu u pollini
un’energia purtintusa
guida a to menti
e a to alma, accussi s’alluntana versu spazi cchiu fertili
Na nova criatura rintra
batti a ritmu ru tiempu,
respira nova vita
A to alma ora
sona un novu ritmu, spriggiuni energia.
Na nova crieatura, rintra
Finalmenti po’ esseri libbira
E accusì ora macari arriniesci a vulari…vulari… vulari…. libbira… vulari…. libbira…