A notti é scura scura e un po’ lagnusa
U fumu abballa ncapu â sciammaredda
É u vientu ca l’adduma
Fuma ‘a me sicarietta e ‘u fumu ‘u va ammucciannu nô n’agnuni
A luci é comu eddira inturciuniata
Ammuagghia du lampiuni nâ du agnuni
Na maigghina ca passa e rummulia un muturi ca
Nquieta ô silenziu mentri dormi
‘a pioggia giarna abballa affruntusa e suspirannu…’a taliu
Quannu s’innadduna idda
Mi vagna ‘a facci e ll’occhi ppi ‘un farimi taliari
Poi idda si curca supra ‘a strata c’addiventa d’argentu
‘u celu araciu araciu si scummogghia
cu ‘a luna e ‘i so stiddi iddu mi ncanta
e volanu ‘i pinseri
currennu pa muntagna
e ncapu ê so spaddi viu ‘u mari
E s’annacanu ‘i me pinsieri
nâ sta notti un po’ lagnusa
L’aria frisca si v’ammuccia dintra ‘u me nasu…ppi quariarisi
N’avutra sicarietta si cunsuma
Suspirannu…suspirannu….suspirannu…