Dintra ‘na mini grigia e ‘u tiettu nivuru,
I casi e ‘i strati pari ca currinu.
Pirsiani virdi, arbuli e genti
Occhi pittati ri me matri, fini anni sittanta
‘a trinza longa ri me suoru
‘a vuci allegra ri me frati
ca riri e joca cu me suoru ‘a nica
Me patri abbili nô semafuru fa
prima e secunna ô Puliteama
Arancina é cavura, e tu sciuscia!
Poi a Piazza Cruci jamu a ficurinnia…
Na música dintra, nasci…
Pistimpanipistipì, Pistimpanipistipì…
Balati, funtani e Villa Giulia,
me patri ri ogni agnuni sapi ‘a storia.
Cu ll’occhi curiusi taliamu.
Supra Munti Piddirinu c’é na Stidda…
e a maigghina va…
Pistimpanipistipì, Pistimpanipistipì…